AMFANIN AUREN BAZAWARA

0
AMFANIN AUREN BAZAWARA KO MACEN DA TA GIRMEKA 

Kafin mu shiga cikin bayani yakamata mu san shin wacece bazawara, budurwa da kuma wacce ta girmi mijinta.

Bazawara dai ita ce matar auren da suka rabu da mijinta sanadiyyar mutuwa ko kuma rabuwa. Da ƴaƴa ko Babu.

Budurwa kuma ita ce wacce ba ta taba yin aure ba.

Sannan ita kuma matar da ta girmi mijinta ita ce, wacce ta fi mijinta shekaru, wato ta riga shi zuwa duniya.

Mafiya yawan samari ba sa son auren bazawara, amma masana sun yi nuni da cewa, akwai fa’idodi mai yawa game da auren bazawara ko kuma wacce ta girmeka. Ga kadan daga cikin fa’idojin.


Yana daga wasu fa’idodi da namiji zai samu in ya auri matar da ta girme shi ko bazawara kamar haka.

-Na farko zai samu ladan sunna, idan ka yi domin yin koyi da fiyayyen halitta.

– Auren mace wacce ta fi ka shekaru akwai yuyuwar samun ingantacciyar rayuwar aure matuƙar akwai soyayya sakamakon cewa, ita ta zauna da wasu mazan ta san rayuwar aure, ta san mai namiji yake so ta san abin da baya so, ta sami ƙwarewar iya kwanciya da miji, sabo da haka da zarar ka auri irin wannan kuma akwai SO da ƙauna da tarbiyya, to ba ma auren da ya fi shi dadi, sakamakon ta sami Ƙwarewa koda ba ta taba aure ba a bayan shekarun da ta yi a rayuwarta, zai sa ta ga abubuwa kalakala a rayuwarta wadanda za su zama mata darasi a zamantakewar aure nan gaba.

-Haƙiƙa bazawara ta fi budurwa sanin makamar aiki a zamantakewar aure musamman ma in ta sami saurayi wato wanda ta girma, musamman ma a ce akwai soyayya.


Amfanin Auren Bazawara





-Bazawara tana da hakurin zamantakewa fiye da budurwa, domin ita budurwa ta ƙware wajen yaudara.

Bazawara ko wacce ta fi ka shekaru ta san halayen iyayen miji da yadda ake zama da su sabanin budurwa.

-Ayyukan gida, kula da gida, gyaran ɗaki, iya girki da tsaftace shi, kula da yara da sauran su dukkan su bazawara ta fi budurwa ƙwarewa a kai. 



-Daɗin kalamai, kisisina, iya rarrashin miji, rashin katobara yayin zance, daɗin hira duk bazawara ta fi ƙwarewa fiye da budurwa.

-Rashin almubazzaranci da dukiyar Miji ko Barnatar da Dukiyar Miji. Wataƙila ta zauna a inda bekai naka wadata ba, zaka ga tattali.

- Iya Kula da Uwar Miji, Iya Zama da Ƴan uwan miji ko dangin miji. 

Waɗannan kaɗan kenan daga Cikin Abubuwan da Bazawara Tafi Budurwa dasu.


SIRRIKAN ZAMAN AURE DAKE ƘARA ƘARFIN SOYAYYA

Akwai Sirrikan Zaman Aure da Ba kowa yake da sani akan su ba, amma yau zamu kawo Kaɗan daga cikin su,Domin a karanta su Cikin Natsuwa;


1. Yin adalci dole ne a wurin miji ga matan da suke da yawa wajen mazauni, tufafi, abinci da abubuwan masarufi. Amma a bangaren sadaki, walima da ƙauna, ba lallai ne ya zama dai-dai ba, ana iya samun bambanci. 
   Ƙauna da So suna samun asali ne saboda; hankalin mace, kyawun ta, kuɗin ta, ko matsayin iyayenta, da sauran su, don haka sai dai abi a hankali kar a fada cikin halaka!


    Don haka adalci dole ne a tsakanin mata da Ƴaƴa, idan mutum bazai iya yin adalcin ba, sai ya tsaya ga mace ɗaya, kamar yadda Aya ta nuna, [Nisa'i 03]. 
   Mace ɗayan ma dole ne a kiyaye mata haƙƙoƙinta, idan ba haka ba asha azaba. 



2. Yin ado da kwalliya wa mace haƙƙi ne, don kada hankalinta ya karkata zuwa ga mazajen dake waje.

3. Yin wasanni, sake fuska, tattaunawa da hira Haƙƙi ne mai tabbatar da zaman lafiya a tsakanin ma'aurata, kamar yadda aka samo cewa Annabi (SAW) yana wasa da matayensa, yana hira dasu, yana sake musu fuska. 


4. Dole ne ayi mu'amala mai kyau ga iyalai, hakan shi zai tabbatar da ɗorewar cigaba, kwanciyar hankali da more rayuwar duniya data lahira. Idan suna da yawa zai taimaka wajen sassauta mumnunan kishi da ƙiyayya a tsakaninsu da rigingimun da babu gaira babu dalili. 
        Kiyaye waɗannan hakkoki na mata shine zamantakewa mai kyau da samun arziki da albarka, tare da farin ciki mai ɗorewa.

Post a Comment

0Comments

Post a Comment (0)